ياقبس يضوى بنوره **** وينسج ملاحم خضرفى المعمورة و بركان شعرى سنين خامد شورة **** تحرك كما فيزوف فى ما فاتى يا شذى الورد و فايحات عطورة **** يا نغم من الماضى نقض سنواتى يا لحن كامنجى طغى فى بحورة **** مقام الصبى و الرست و البياتى يا طير كانارى شجى بدورة **** كيف السنونو فى الربيع اتهاتى طيفك عبدنى فى خيالى صورة **** بدت فى القوافى راقصة كلماتى وياما جرالى فى السنين وعورة **** خافيه عنك خلف من البسماتى فى وقفو الابداع بعد حضوره **** الايام وسنين الزمان العاتى لين طلى ضى القمر بى نوره **** ياما ابتهلنا ليه صار صلاتى ترهبنت يا قديستى المشهورة **** تراتيل كلماتى بدت فى ابياتى
هنا يقول ان ذلك القبس كأنه البصيص فى ظلام الليل و يزيد فى ضوئه و انه انبت براعم خضراء التى ارجعت له الامل فى سلواه لها و مناجاته و يشبهها بالنهر الخالد الذى لايجف بعدما عمه الجذب ويترجاها و يقول لها ان لا تفطمه و يحلفها بوالدها
[center]يا قبس عمرى ضوى **** بصيص فى ظلام الليل زاد تقوى نبت براعم خضر منها توا **** رجع الامل فى سلواك ومناجاتى يانهر خالد عم سهله روى **** بعد الجذب و السيح عم اوقاتى لا تفطمينى اليوم ديرى مرووة **** بجاه منو قال اسمك عز بناتى
اما هذه الابيات فاضن احبابى اعضاء المنتدى انها واضحه و هى كلها تشتمل على تشبيه حبيبته
يا ريحانه **** يا نسمة الفجر البهى بأشجانه يا ورد زين مفتقات اغصانه **** يا فل يا ياسمين ذكرياتى فيك من اوصاف تفوق على وصفانه **** وفيك من طلوع البدرفى عز سباتى يشابه بزوغ الشمس فى شرقانه **** اكليل غار فوقه ملتوى بثباتى و فيك من بقر الوحش فى وديانه **** اسمه المها بوعيون مفلوتاتى و فيك من شبيه الريم فى قفزانه **** انتى الجيد جيدة سمحة البسماتى و فيك من انقاش الفرس وان زمانه **** و فيك من جمال الروم ياغاياتى وعقبو السلافيات وين مكانه **** من الحوض لى الدانوب لى السوفياتى بشرة بنات الترك بالجمانه **** و فيك من الحبش مضحك الحورياتى ولا هناك فى الجرمان وانا وانا **** ولا هناك فى السكسون ولا الاخراتى تنسى بلاد الانجليز ديانا **** تفوق شهرتك شهرة المشهوراتى وعذبه عذاب النيل فى جريانا **** و كيف من الفرات سماه فى الاياتى و ازهار برده و عطرها وشرقانه **** وفيك من جبال لبنان و النسماتى ويا هرم ابدعه خالقى سبحانه **** بحذاك هرم خوفو من بعيد امواطى و خفنا العالم يعبدوك ديانه **** يديره تمثالك من الذهباتى احبار يهوى يسيبو كهانه **** يجوك يرقصو ويعفسو التوراتى واتباع المسيح وشيعته وصلابانه **** يجوك يركعو والحال زى حالاتى وتمثال بوذه يكسروه رهبانه **** يديروه تمثالك بديله واتى وهاذى قصيدة شعر شور فلانه **** ويشطح خيال الشعر بى الدرجاتى
و يا قبس يضوى فى دروب حياتى **** لولاك لاكان الظلام امباتى