من شوية ظهر تامر فى قناة المحور فى برنامج معتز الدمرداش
وهو موجة لة عدة اتهامات من ناس مجهولة
بيتهموة باية بقى تعالى نسمع مع بعض
1-واحدة بتقول انها معاها اولاد وبقالها خمس ساعات مش عارفة تقف فى مكان
2- نفس الشخصية دى بتقول ان العساكر قالولها لما تامر يدخل ع المسرح تقوم تقف
3-بتشتكى ان دخول الحمام بفلوس (بجنية) اثناء الحفلة
يعنى ياللى عايزين تشوهوة صورة تامر وتكسروا نجاح الحفلة وتقللوة من قيمتها
مالقيتوش اسباب أهيف من كدة ؟
هما طلعوا المواضيع دى وقالوا تامر مش هيهتم ومش هيرد
فى ساعتها تامر عمل مداخلة مع البرنامج ورد ودافع
قال أكبر مسرح فى مصر اتبنى فى ساعات قليلة (وكلنا كنا بنساعد بعض)
وكان مخصص مكان للأيتام وذوى الأحتياجات الخاصة ولأهالى الشهداء
وتامر كان بيكلمهم ويقرب منهم طول الحفلة
تانى حاجة ..هو انا هاقول للعساكر لما ادخل وقفولى الناس
ازاى يعنى ماحدش يعقلها
ولا تلاقية عسكرى ولا حاجة ..واحد بيستظرف وخلاص
وتالت حاجة احنا سايبين 6 مليون جنية تبرعات لحد دلوقتى من الحفلة
ولسا تمن اذاعة الأعلانات على مزيكا والفضائية المصرية
وجايين نقول دخول الحمام بجنية ..هو تامر اللى قال دخول الحمام بجنية
حبيبى كان محروق دمة ومتضايق ..وحقة
------------------------------------------------------------------
علشان غنيت اربع ساعات ياتامر من غير ما تتعب
وعلشان كل الناس روحت مبسوطة وفرحانة
وعلشان التبرعات اللى اتجمعت والناس المشردة اللى هترجع بيوتها بسبب جهود جمهور تامر
اللى بيحصل معاك دة عشان انت عملت اللى غيرك ماعرفش يعملة
وعلشان انت غيرت مفاهيم نجاح الحفلات فى الدنيا كلها مش بس فى مصر
الكيميا والتفاعل اللى بينك وبين جمهورك مستحيل يكونوا بينك وبين اى حد تانى
تامر لو هو دة نقد الحفلة ؟
احب اقولك مليون مليون مليون مبروك ياتامر
الحمد لله انت متعود وعارف انهم بيبقوا متربصينلك بعد كل حفلة
تامر الناس اغم عليها ..دة الناس كانت زحمة فوق بعض
واحنا حاضرين الحفلة وبنسمع قصص غريبة اكننا كنا فى حفلة تانية
حقك تضايق و دمك يتحرق وتنفعل
بس أرجوك خليك قوى مش هنبوظ كل حاجة جميلة عملناها
مقاييس نجاح الحفلة باية..تعالى نحسبها مع بعض
حضور جماهيرى ...حضر اكتر من 30 الف واحد من محبيك وجمهورك
تنظيم الحفلة ..كل الناس مروحة مبسوطة وفرحانة علشان انت اديتها حقها وغنيت اكتر من وقتك
هدف الحفلة ..جمعت 6 مليون جنية ولسا الرقم بيزيد
عمر مقياس الحفلة ما كان بسعر دخول الحمام ولا كان انك انت بنفسك تنزل تنظم مرور الناس
مفيش حد بيوقف حفلتة ويكسر اندماج الناس معاة اللى ممكن يكون صعب يرجعهم تانى للمود
زى مانت عملت امبارح لما محمد اغمى علية وماكملتش غناء غير لما رد عليك وقالك انا تمام ياتامر
صدقنى ..بقالنا كتير ماتحمسناش لبلدنا وفرحنا وغنينا باسمها ..غير معاك
اعداء النجاح بقوا هايفين اوى ..مابقوش عارفين يعلقوا على اية ويتكلموا على اية
على طول واقفينلك على الواحدة وفى الأخر ..انت بردو بتفضل تامر حسنى
اللى ماحدش عارف يكون زيك فى نجاحك وحب الناس ليك
تامر انت حد كبير اوى ..وكل انطباعات الناس عن الحفلة هتوصلك
كل واحد معاك امبارح كان سفير ل 1000 واحد غيرة
انت رسمت بسمة على وشوشنا امبارح لما شفناك وغنينا معاك
والنهادرة فرحت الاف الناس بالتبرعات اللى وصلتلهم
حفلة تامر حسنى .وحملة بنحبك يامصر
ناجحة نجاح منقطع النظير
انت ليك سفير فى كل مكان فى الدنيا
وليك جيش كبير اسمة Tamer Lovers
وراك فى كل مكان
وهاسيب الردود الجاية للناس اللى حضرت الحفلة
واللى لسا هيشوفوها بكرة على قناة مزيكا
ويقولوا رايهم فى اللى شايفينة
ونوصل وندى لتامر على الأقل ...كلمة شكرا
بنحبك ياتامر
بنحبك ياملك الجيل
